बुलढाणा : (एशिया मंच न्यूज )
येथील मुख्य डाकघराच्या आवारात नव्याने अद्ययावत स्वरूपात पुनः सुरू करण्यात आलेल्या अत्याधुनिक एटीएम सेवांचा शुभारंभ डाकघर विभागाचे अधीक्षक गणेश अंभोरे यांच्या हस्ते आज 20 नोव्हेंबर रोजी करण्यात आला.
हे एटीएम डाक विभाग तसेच सर्वच बँकांच्या ग्राहकांना 24 तास सेवा देणार असून नागरिकांसाठी ही सुविधा आता उपलब्ध आहे. उद्घाटन प्रसंगी सहायक अधीक्षक कैलास तायडे, सतीश निकम, पोस्टमास्टर आशीष इंगळे, आयपीपीबी बुलढाणा शाखेचे वरिष्ठ प्रबंधक हिमांशु धल तसेच डाक विभागाचे अधिकारी, कर्मचारी उपस्थित होते.
डाक विभागाच्या ग्राहकांसह सर्व बँकांच्या ग्राहकांनी या अत्याधुनिक एटीएम सेवांचा लाभ घ्यावा, असे आवाहन अधीक्षक गणेश अंभोरे यांनी केले. अशाच स्वरूपाची सेवा मुख्य डाकघर खामगाव येथेही सुरू करण्यात आली असून तेथील नागरिकांनाही लाभ घेण्याचे आवाहन करण्यात आले आहे.
