बुलढाणा : (एशिया मंच न्यूज )
जिल्ह्यातील १४ वर्षाखालील मुलांचा हॉकी संघ ६९ व्या राष्ट्रीय शालेय हॉकी क्रीडा स्पर्धेसाठी मध्यप्रदेशातील टिकमगड येथे २० डिसेंबर २०२५ रोजी उत्साहात रवाना झाला.
क्रीडा व युवक सेवा संचालनालय यांच्या आदेशानुसार जिल्हा क्रीडा परिषद व जिल्हा क्रीडा अधिकारी कार्यालय, बुलढाणा यांच्या संयुक्त विद्यमाने १६ ते २० डिसेंबर २०२५ या कालावधीत सहकार विद्या मंदिर, बुलढाणा येथे राष्ट्रीय प्रशिक्षण शिबिराचे आयोजन करण्यात आले होते.
या शिबिरात १८ खेळाडू व १ क्रीडा मार्गदर्शक सहभागी झाले होते. क्रीडा मार्गदर्शक अनिकेत मोरे व सय्यद यांच्या मार्गदर्शनाखाली खेळाडूंनी कसून सराव केला. संघाच्या रवाना प्रसंगी बुलढाणा अर्बन क्रेडिट को-ऑपरेटिव्ह सोसायटीचे मॅनेजिंग डायरेक्टर कोमल झंवर, सहकार विद्या मंदिरचे प्राचार्य स्वामी, जिल्हा क्रीडा अधिकारी लक्ष्मीशंकर यादव, क्रीडा अधिकारी व संघ व्यवस्थापक आर. आर. धारपवार तसेच सुहास राऊत यांनी खेळाडूंना पुढील वाटचालीस शुभेच्छा दिल्या.
