सिंदखेड राजा : (एशिया मंच न्युज)
13 मे रोजी लागलेल्या इयत्ता दहावीच्या परीक्षेच्या निकालामध्ये मलकापूर पांगरा येथील कै. विजय मखमले मराठी माध्यमिक विद्यालय चा 98.43% तर कै. विजय मखमले उर्दू माध्यमिक विद्यालय चा 100% निकाल लावत उत्कृष्ट निकालाची परंपरा कायम राखली आहे. कै. विजय मखमले मराठी माध्यमिक मध्ये प्रथम अथर्व दिनकर घुगे 94.40%, द्वितीय कु.पुनम विकास गिराम 92.80%, तृतीय कु.ॠतुजा सुनील उगले 91.20%, घेऊन विद्यार्थ्यांनी गुणवत्ता राखली आहे. तसेच कै. विजय मखमले उर्दू माध्यमिक विद्यालयमध्ये प्रथम क्रमांक अल्फीया परवीन शेख रुस्तम 87.20%, दुतीय फिरदोस बी फेरोज खान 83.40%, तुतीय शबनम परवीन जियाउल्ला खान 83.20% या
विद्यार्थ्यांनी पटकावला आहे. उत्तीर्ण सर्व विद्यार्थ्यांचे संस्थेचे अध्यक्ष अरुण मखमले यांनी अभिनंदन केले असून विद्यार्थ्यांच्या यशस्वीतेसाठी मुख्याध्यापक , शिक्षक व शिक्षकेत्तर कर्मचारी वर्ग यांनी अभिनंदन केले आहे.
