* स्थानिक गुन्हे शाखेची कारवाई
* 42 दुचाकीसह 21 लाखाचा मुद्देमाल जप्त
बुलढाणा : (एशिया मंच वृत्त)
निर्जन ठिकाणी लावण्यात आलेल्या दुचाकिंची चोरी करुन कमी किमतीत विकणाऱ्या चौघांना पोलीसांनी अटक केल्याची घटना आज दिनांक 20 डिसेंबर रोजी घडली आहे. त्यातील एक बुलडाणा जिल्ह्यातील तर इतर जळगांव खा. जिल्ह्यातील रहिवासी आहेत. त्यामुळे बुलडाणा जिल्हयात होणाऱ्या दुचाकिंच्या चोरीचे कनेक्शन जळगाव खान्देश असल्याचे लक्षात आले आहे.
शत्रुघ्न सोळंके (२८वर्ष) रा. जळगाव जामोद, गंगाराम पवार (२० वर्ष) रा. मुक्ताईनगर, तुळशीराम पवार (२४वर्ष), तर सिताराम मुजाल्दे (२४वर्ष), अशी दुचाकी चोरट्यांची नावे आहेत. कारवाई दरम्यान पोलिसांनी तब्बल ४२ दुचाकीसह २१ लाखांचा मुद्देमाल जप्त केला आहे. प्राप्त माहितीनुसार आरोपींमध्ये असणारा शत्रुघ्न सोळंके १५ डिसेंबर रोजी चोरी केलेल्या दुचाकीसह मोताळ्यात असल्याची गोपनीय माहिती एलसीबी ला मिळाली. दरम्यान पोलिसांनी त्याला ताब्यात घेतले त्यानंतर कारवाई दरम्यान दूचाकी चोरट्यांची टोळी समोर आली. निर्जन ठिकाणी लावण्यात आलेल्या दुचाकी चौघे चोरी करायचे त्यांनतर त्या कमी किमतीत विक्री करत असे. इतकेच नाही तर या टोळीने बुलडाणा, जळगाव, नाशिकसह मध्य प्रदेशात देखील दुचाकींची चोरी केल्याचे निष्पन्न झाले आहे. दरम्यान गुन्ह्याचे गांभीर्य लक्षात घेता न्यायालयाने चारही आरोपींना २१ डिसेंबर पर्यंत पोलीस कोठडी सुनावली आहे.
कारवाई जिल्हा पोलिस अधीक्षक सुनील कडासने, अप्पर पोलीस अधीक्षक बी. बी. महामुनी, अप्पर पोलीस अधीक्षक अशोक थोरात यांच्या मार्गदर्शनाखाली व स्थानिक गुन्हे शाखेचे पोलिस निरीक्षक अशोक लांडे यांच्या आदेशाने सहाय्यक पोलीस निरीक्षक नंदकिशोर काळे, निलेश सोळंके, पोलीस उपनिरीक्षक, श्रीकांत जिंदमवार, पोलीस अंमलदार रामविजय राजपूत, दशरथ जूमडे, दिपक लेकुरवाळे, दिगंबर कपाटे, जगदेव टेकाळे, गणेश पाटील, पुरुषोत्तम आघाव, अनंत फरतडे, दिपक वायाळ, मनोज खर्डे, चालक पोकॉ विलास भोसले, सुरेश भिसे, सायबर पो.स्टे. चे राजु आडवे, अमोल तरमळे, संदीप शेळके व योगेश सरोदे यांनी केली आहे.
