बुलडाणा : (एशिया मंच वृत्त)
राज्यातचं नाहीतर देशात विख्यात असलेल्या हजरत सैलानी बाबा यात्रा (ऊर्स ) महोत्सवास 6 मार्च 2023 रोजी लाखों नारळांच्या होळी ला दुपारी 3 ते 3.30 दरम्यान मुजावर यांच्या हस्ते पूजन करून होळी पेटवून सुरूवात झाली. 12 मार्च 2023 रोजी सैलानीबाबांचा संदल निघणार आहे. कोरोना प्रकोपा दरम्यान तब्बल तिन वर्षापासून यात्रेवर शासनाचे प्रतिबंध होते. मात्र कोरोना समाप्त होताचं सैलानी यात्रेला प्रशासनाकडून हिरवी झेंडी देण्यात आली.
देशभरातील भाविक यात्रेच्या निमित्ताने सैलानी येथे येत असतात. या यात्रेचे मुख्य आकर्षण असलेली होळी ने आज झाली आहे. बुलडाणा पंचायत समितीच्या वतीने खोदण्यात आलेल्या खड्डयात होळीसाठी नारळ टाकण्यात आले असुन होळीच्या भोवती पोलीस प्रशासनाने बॅरिकेट्स लावले आहेत. तीन वर्षानंतर यात्रा महोत्सव होत असल्याने देशभरातून लाखो भाविक यात्रेसाठी येत आहेत.
दरम्यान अग्निशमन दलाचे ३ बंब प्रशासनाने सज्ज ठेवले आहेत. पोलिस अधीक्षक सारंग आवाड,अप्पर पोलीस अधीक्षक बी. बी. महामुनी, उपविभागीय पोलिस अधिकारी सचिन कदम मार्गदर्शनाखाली दोन पोलिस निरीक्षक, सहाय्यक पोलिस निरीक्षक, ३० पोलिस उपनिरीक्षक, ३७५ पोलीस कर्मचारी, ३०० होमगार्ड व दंगाकाबू पथक तैनात करण्यात आले आहे.
 यात्रेस सुरूवात){kind=link}