बुलढाणा : (एशिया मंच न्युज)
मागील कित्येक वर्षापासून समाजसेवेचे व्रत अंगीकारत समाजसेवा हा एकच ध्यास मनाशी बाळगून महिला, बालक, शेतकरी व शेतमजूर अशा अनेक वेगवेगळ्या विषयांवर कार्य करीत असणाऱ्या जेष्ठ सामाजिक कार्यकर्त्या जिजाताई राठोड-चांदेकर यांच्या कार्याचा गौरव म्हणून त्यांना देशातील सर्वात मोठी संघटना राष्ट्रीय बंजारा परिषद च्या जिल्हाध्यक्षपदी राष्ट्रीय बंजारा परिषदचे राष्ट्रीय समन्वय किसनभाऊ राठोड, प्रदेशाध्यक्ष सीमाताई राठोड, कार्याध्यक्ष निर्मलाताई जाधव व महाराष्ट्र प्रदेश सचिव उमेशभाऊ राठोड यांच्या नेतृत्वात एकमताने राष्ट्रीय बंजारा परिषदच्या बुलढाणा महिला जिल्हाध्यक्षपदी निवड करण्यात आली. समाजाचे हित म्हणजे त्यांचे हक्क अधिकार समाजामध्ये जागरूकता आणण्यासाठी समाज संघटन वाढविण्यासाठी जिजाताई राठोड यांना ही जबाबदारी देण्यात आली. राजकीय, सामाजिक क्षेत्रामध्ये आपल्या कार्याचा ठसा उमटवणाऱ्या जिजाताईंना समाजाच्यासाठी उन्नतीसाठी मिळालेली ही एक संधी आहे. सामाजिक स्तरावर जिजाताईंच्या या निवडीने हर्ष उल्हास निर्माण झाला आहे. समाजातून व आप्तेष्टांमधून अभिनंदनचा वर्षाव होत आहे.
