* अधिवेशनात हिवाळी अधिवेशनात आमदार गायकवाड यांची लक्षवेधी
बुलढाणा : (एशिया मंच वृत्त)
बुलढाण्यातील जिल्हा सामान्य रुग्णालयात कोरोना काळात झालेल्या 99 कोटी रुपयांच्या भ्रष्टाचार प्रकरणी आमदार संजय गायकवाड यांनी हिवाळी अधिवेशना दरम्यान लक्षवेधी उपस्थित करताना सदर व्यवहारात प्रकरणे चोरांच्या हाती चौकशी दिल्याचे प्रश्न उपस्थित केल्याने सदर प्रकरणी आरोग्य विभागाचे अतिरिक्त मुख्य सचिव यांच्या मार्गदर्शनात तत्काळ चौकशी समिती नेमण्याची घोषणा आरोग्य मंत्री तानाजी सावंत यांनी केली.
बुलढाणा जिल्हा सामान्य रुग्णालयात कोरोना काळादरम्यान आरोग्य विभागाच्या वतीने तब्बल 99 कोटी रुपयाचा गैरव्यवहार झाला होता. सदर प्रकरण उघडकीस आल्यानंतर बुलढाणा विधानसभा मतदारसंघाचे आमदार संजय गायकवाड यांनी याप्रकरणी कारवाईची मागणी केली होती. सदर प्रकारात गुंतलेल्या लोकांच्या हातात चौकशी करण्याचे आदेश देण्यात आले होते. यावरून नागपूर येथे आयोजित हिवाळी अधिवेशनात आमदार संजय गायकवाड यांनी लक्षवेधी उपस्थित करताना आरोग्यमंत्र्याचे लक्ष केंद्रित करून सदर प्रकरण हे चोरांच्या हातात चौकशीसाठी देण्यात आल्याचे लक्षात आणून दिले, सदर प्रकरणाचे गांभीर्य पाहता राज्याच्या आरोग्य मंत्री तानाजी सावंत यांनी याप्रकरणी तत्काळ आरोग्य विभागाचे अतिरिक्त मुख्य सचिव यांच्या मार्गदर्शनात चौकशी समिती नेमण्याचा आदेश दिले असल्याने आता सदर गैरव्यवहार प्रकरणाचा लवकरच उलगडा होईल, अशी चर्चा होत आहे.
