श्री गजानन महाराज संस्थानकडून पुरग्रस्तांसाठी १ कोटी ११ लाखाची मदत
यावर्षी महाराष्ट्र राज्यात सर्वत्र पावसाने थैमान घातले आहे. त्यामुळे संपुर्ण राज्यात शेतकऱ्यांच्या पिकांचे अतोनात खुप मोठे नुकसान झाले असून अतिवृष्टीग्रस्तांच्या मदतीसाठी शासनाकडून मदतीचे आवाहन करण्यात आले आहे. त्यास अनुसरून राज्यातील पुरामुळे बाधीत झालेल्या पुरपिडीतांसाठी शेगांव येथील श्री गजानन महाराज संस्थान ने मुख्यमंत्री सहाय्यता निधीस १ कोटी ११ लाख रुपयांचा सहयोग निधी महाराष्ट्र राज्याचे मुख्यमंत्री देवेंद्रजी फडणवीस यांना २७ सप्टेंबर रोजी धनादेशाद्वारे सुपूर्द करण्यात आला आहे. श्री गजानन महाराज संस्थेने भरीव मदत देऊन सेवाकार्या सोबतच सामाजिक बांधीलकी जोपासली आहे.
