नागपूर : (एशिया मंच वृत्त)
विधानभवनावर हल्लाबोल आंदोलनासाठी जात असलेल्या रविकांत तुपकर आणि शेतकऱ्यांना पोलिसांनी अडवले आहे. विधानभवन परिसराच्या दीड किलोमिटर आधीच तुपकर यांना पोलिसांनी रोखले आहे.
सोयाबीन कापसाच्या दरवाढीसाठी तुपकर यांनी विधानभवनावर हल्लाबोल आंदोलनाची घोषणा केली होती. 18 डिसेंबर रोजी हजारो शेतकरी नागपुरात मुक्कामी पोहचले. आज 19 डिसेंबर रोजी सकाळपासून शेतकरी मुक्कामी असलेल्या ठिकाणी पोलिसांनी बंदोबस्त वाढवला होता. पोलिसांनी तुपकारांशी चर्चा करून आंदोलन मागे घेण्याचे सांगितले मात्र तुपकर हल्लाबोल आंदोलनावर ठाम होते. सकाळी 9.30 ला रविकांत तुपकर आणि हजारो शेतकरी विधानभवनाकडे जाण्यासाठी निघाले. मात्र विधानभवनाच्या ५०० पेक्षा अधिक पोलिसांनी तुपकर आणि शेतकऱ्यांना अडवले. या दरम्यान शेतकऱ्यांचा रोष पाहता तणावाची परिस्थिती निर्माण होण्याची शक्यता नाकारता येत नाही.
