* बुलढाणा येथील संगम चौकातील घटना
बुलढाणा : (एशिया मंच वृत्त)
भरधाव मालवाहक ट्रकने स्कुटीला मागून जोरदार धडक दिल्याची घटना आज 11 डिसेंबर 2023 रोजी स्थानिक संगम चौकात सकाळी ८:३० वाजे दरम्यान घडली. अपघातामध्ये सुनीता संदीप पंडित (३० वर्ष) या गंभीर जखमी झाल्या. अपघातानंतर त्यांना तातडीने जिल्हा सामान्य रुग्णालयात दाखल केले. त्यांच्यावर प्राथमिक उपचार केले. परंतु त्यांची प्रकृती चिंताजनक असल्यामुळे त्यांच्या नातेवाईकांनी त्यांना पुढील उपचारासाठी छ. संभाजीनगर येथे हलविले आहे.
एम. एच.२८ एबी.७३७७ क्रमांकाच्या टिप्पर गाडीने स्कुटीला मागून धडक दिल्याने अपघात घडला. अपघाता मधील टिप्पर बुलढाणा शहर पोलिसांनी ताब्यात घेतले असून पुढील तपास शहर पोलिस करीत आहे.
