जळगाव जामोद : (एशिया मंच न्युज)
डॉ. बाबासाहेब आंबेडकर शासकीय वस्तीगृह जळगाव जामोद येथील विद्यार्थ्यांना गेल्या अनेक वर्षांपासून ये-जा करण्यासाठी योग्य रस्त्याचा अभाव असल्याने विद्यार्थी, नागरिकांना नाहक चा त्रास सहन करावा लागत आहे. तसेच परिसरात अंधारमय वातावरणाचा सामना करावा लागत होता.
या मूलभूत सुविधाच्या मागणीला धरून वस्तीगृहाकडे जाणाऱ्या रस्त्याचे डांबरीकरण करणे, हायमास्ट लाईटची व्यवस्था करणे या दोन मूलभूत मागण्यांसाठी वंचित बहुजन आघाडी प्रणित सम्यक विद्यार्थी आंदोलन बुलढाणा जिल्हाच्या दृढ निर्धार करीत स्थानिक उपविभागीय अधिकारी कार्यालया समोर ३० जून २०२५ रोजी आमरण उपोषण सुरू केले.
जिल्हाध्यक्ष मोहित दामोदर यांनी उपविभागीय अधिकारी कार्यालयासमोर आमरण उपोषणाला सुरूवात करून मागील वर्षभर सातत्याने प्रशासन दरबारी पाठपुरावा करूनही केवळ आश्वासनांपुरतेच उत्तर दिले जात होते. या मुद्द्याला गांभीर्याने घेऊन प्रशासनाच्या झोपेचे सोंगातून जागे होण्यासाठी हे टोकाचे पाऊल उचलण्यात आले, असल्याचे सांगितले.
तर उपोषणाच्या दुसऱ्याच दिवशी या आंदोलनाची दाखल घेत १ जुलै रोजी तहसीलदार जळगाव जामोद यांच्या उपस्थितीत आंदोलनकर्त्यांमध्ये झालेल्या बैठकीत मार्ग काढीत लेखी आश्वासन देण्यात आले. यावेळी डांबरी रस्त्याचे काम दीड महिन्यात पूर्ण करण्यात येईल तसेच तोपर्यंत तात्पुरती पर्यायी व्यवस्था म्हणून खडक मुरूम टाकून कच्चा रस्ता तयार केला जाईल, ही मागणी लेखी स्वरूपात मिळाल्यानंतर आमरण उपोषणाची यशस्वी सांगता करण्यात आली.
यावेळी वंचित बहुजन आघाडी आघाडीचे उत्तर जिल्हाध्यक्ष देवाभाऊ हिवराळे, दक्षिण जिल्हाध्यक्ष निलेशभाऊ जाधव, फुले-आंबेडकर विद्वात सभेचे राज्य समन्वयक प्रा.मनोजजी निकाळजे, महिला आघाडी जिल्हाध्यक्षा विशाखाताई सांवग, युवा आघाडी जिल्हाध्यक्ष अनिल वाकोडे, भारतीय बौद्ध महासभा महिला जिल्हाध्यक्षा छायाताई बांगर, विद्वात सभेचे जिल्हा समन्वयक प्रा.दिलीप कोकाटे, ॲड.रागिणीताई तायडे, मंगलाताई पारवे, गौतम इंगळे, गिरीश उमाळे, नांदुरा तालुकाध्यक्ष आजाबराव वाघोदे, भारतीय बौद्ध महासभा तालुकाध्यक्ष जगदिश हातेकर, गौतम सुरवाडे, वंचितचे माजी तालुकाध्यक्ष संतोष गवई, बाजार समिती उपसभापती प्रशांत अवसरमोल, रतन नाईक, सुनील बोदडे, देवा दामोदर, विजय सातव, संतोष पवार, राजरत्न वाकोडे, रोशन तायडे, रविंद्र वानखडे, दिलीप दामोदर, विजय दामोदर, प्रशांत नाईक, विकी दामोदर, चेतन तायडे, भास्कर जुबंळे, सुभाष सिरसाठ, सुरेश वाघोदे, मयुर खंडेराव, आदित्य खंडेराव, महिला आघाडी, युवा आघाडी, भारतीय बौद्ध महासभा, फुले आंबेडकर विद्वत सभा, सम्यक विद्यार्थी आंदोलनाचे पदाधिकारी कार्यकर्ते, बहुसंख्येने विद्यार्थी उपस्थित होते.
