संविधानामुळे देश एकसंघ राहिला-- सुनील सपकाळ
बुलडाणा : (एशिया मंच वृत्त)
संविधानाने 'मी' ऐवजी 'आम्ही' म्हणायला शिकवीले. आम्ही भारतीय लोक अशी सुरुवात करून डॉक्टर बाबासाहेब आंबेडकरांनी समता ,स्वातंत्र्य, न्याय व बंधुता ही मुलतत्वे दिली. संविधाना आहे म्हणून देश एकसंघ राहिला आहे. असे प्रतिपादन सामाजिक कार्यकर्ते व शिवजयंती उत्सव समितीचे सचिव सुनील सपकाळ यांनी 26 नोव्हेंबर 2023 रोजी केले.
सार्वजनिक शिवजयंती उत्सव समिती कार्यालयात संविधान दिन, सव्वीस अकराचे हल्ल्यात शहीद झालेल्या शहिदांना अभिवादन तसेच ज्येष्ठ पत्रकार व महाराष्ट्रास वैचारिक दिशा देणारे विचारवंत प्रबोधनकार ठाकरे यांना अभिवादन कार्यक्रमाचे आयोजन करण्यात आले होते. कार्यक्रमाचे अध्यक्षस्थानी शिवजयंती उत्सव समितीचे अध्यक्ष डॉक्टर शोण चिंचोले होते तर कार्यक्रमात बबन नाना शेळके, दिनकरराव चिंचोले, निवृत्त नेत्र तज्ञा डॉक्टर सौ. काळे, पत्रकार लक्ष्मीकांत बगाडे, गणेश निकम केळवदकर, दीपक मोरे, अमोल रिंढे, प्राध्यापक अमोल वानखेडे पाटील, शैलेश खेडकर, प्रा. विजय घ्याळ, लक्ष्मण ठाकरे आदी उपस्थित होते.
सर्वप्रथम उपस्थित मान्यवरांनी उद्देशिकेचे पूजन केले. यावेळी प्राध्यापक अमोल वानखेडे यांनी उद्देशिकेचे वाचन करून एकनिष्ठतेची शपथ दिली. पुढे बोलताना सुनील सपकाळ म्हणाले --आज संविधान दिवस आहे. तसा 26 /11 हल्ल्याचे स्मरण दिवसही आहे. याच दिवशी मुंबईवर दहशतवादी हल्ला झाला होता. हा हल्ला परतून लावताना हेमंत करकरे, साळस्कर ,कृष्ण उनियन ,अशोक कामटे, तुकाराम ओम्बळे,शहीद झाले. या शहिदांचे स्मरण करून त्यांनी अभिवादन केले. ज्येष्ठ पत्रकार व प्रबोधनकार ठाकरे यांच्या विषयी बोलताना सुनील सपकाळ यांनी महाराष्ट्राला वैचारिक वळण लावणारा पत्रकार असे वर्णन केले. प्रबोधनकार ठाकरे यांच्या कार्याची त्यांनी सविस्तर माहिती दिली. अध्यक्षीय भाषनात डॉक्टर शोण चिंचोले यांनी आयोजनामागची भूमिका विशद केली. संविधान देशाचा सर्वोत्कृष्ट ग्रंथ असून संविधानामुळे प्रत्येकाच्या हक्काचे संवर्धन होत असल्याचे सांगितले. यावेळी विविध क्षेत्रात कार्यरत असणाऱ्या व्यक्तींचा त्यांच्या हस्ते सन्मान करण्यात आला. यामध्ये पत्रकार लक्ष्मीकांत बगाडे, डॉक्टर सौ काळे, दिनकरराव चिंचोले, रिया पाटील यांचा शिव सन्मानपत्र व शाल श्रीफळ देऊन सन्मान करण्यात आला. संचालन व आभार प्राध्यापक अमोल वानखेडे यांनी मानले.
